Лукашэнка патрабуе абараніць унутраны рынак ад неабаснаванага імпарту — «ад праса да трактара»

15.05.2015 / 14:27

Аляксандр Лукашэнка патрабуе ад урада зрабіць усе неабходныя захады, каб абараніць унутраны рынак ад неабгрунтаванага імпарту па тых відах прадукцыі, якая вырабляецца ў Беларусі.

Аб гэтым ён заявіў сёння ў час наведвання ААТ «Мінскі трактарны завод».

«Крый Божа, калі нашы прадпрыемствы сёлета купяць трактары і іншую тэхніку, якую мы робім», — сказаў ён.

Ён таксама даручыў прымаць меры ў адказ у выпадку стварэння бар'ераў для экспарту беларускай прадукцыі на Захад.

«Наконт Захаду: яны (прадстаўнікі заходніх краін) у мяне бываюць, і я іх папярэдзіў. Хачу, каб урад гэта рэалізаваў. Мы іх папярэдзілі: вы зачыніліся ад нас, мы зачынімся, і паглядзім, як вы праз Балтыку ці Украіну будзеце гандляваць «, — адзначыў ён.