Startavała hałasavańnie «vykanaŭcy hodu» na «Rok‑Karanacyju‑2007»
Kožny moža addać svoj hołas za adnaho z pretendentaŭ adzin raz na dzień.
19.02.2008 / 16:12
Apoŭnačy 19 lutaha na «Tuzinie Hitoŭ» raspačałosia aficyjnaje hałasavańnie ŭ naminacyi «Vykanaŭca hodu». Pa tradycyi ŭ žury hetaj naminacyi buduć usie naviedniki našaha partału — kožny moža addać svoj hołas za adnaho z pretendentaŭ adzin raz na dzień.
24 lutaha apoŭnačy hałasavańnie spyniajecca, a jahony pieramožca budzie nazvany niepasredna na samoj cyrymonii ŭznaharodžańnia 29 lutaha ŭ KZ «Minsk». U śpis naminantaŭ trapili vosiem samych jaskravych asobaŭ biełaruskaha roku.
Pry składańni śpisu pretendentaŭ na rok‑karonu ŭ naminacyi «Vykanaŭca hodu» ŭličvalisia vykanaŭcy, jakija ciaham hodu jaskrava zaśviedčyli svaju tvorčuju aktyŭnaść u svaich prajektach i pa‑za imi. Arhkamitet kiravaŭsia nastupnymi kryterami: a) prafesijanalizm, b) udały sceničny imidž i charyzma, v) stałaja prysutnaść u infarmacyjnaj prastory.
U vyniku ŭ śpis naminantaŭ trapili:
‑ Alaksiej Šadźko
‑ Siarhiej Michałok
‑ Uładzimier Puhač
‑ Źmicier Vajciuškievič
‑ Vital Artyst
‑ Lavon Volski
‑ Ihar Varaškievič
‑ Alaksandar Kullinkovič.
Hałasavać možna ad 0:00 19 lutaha da 0:00 24 lutaha. Kožny moža addać svoj hołas za adnaho z pretendentaŭ adzin raz na dzień. Vyniki buduć abvieščanyja niepasredna na cyrymonii «Rok‑Karanacyja» 29 lutaha ŭ kancertnaj zali «Minsk»