Litoŭskija palityki adkazali na inicyjatyvu Rasii ab pierahladzie niezaležnaści Bałtyi
30.06.2015 / 21:29
Palityki Litvy adkazali žartami na zaklik Rasijskaj Fiederacyi da pierahladu zakonnaści pryznańnia niezaležnaści krain Bałtyi.
Reuters
Adpaviednyja kamientary jany raźmiaścili na svaich staronkach u sacyjalnaj sietcy Twitter.
«Rasijskaja prakuratura pravieryć zakonnaść niezaležnaści Bałtyi. Ja zaklikaju da terminovaj pravierki stanu zdaroŭja rasijskaha prakurora!» — napisaŭ deputat Jeŭraparłamienta Piatras Aŭštravičus.
«Bieśpierapynny absurd … Prapanuju Dumie i rasijskim prakuroram pravieryć, ci sapraŭdy Ziamla krucicca vakoł Sonca», — adznačyŭ kiraŭnik MZS Litvy Linas Linkiavičus.
Prezident Litvy Dala Hrybaŭskajcie taksama adreahavała na inicyjatyvu RF:
«Naša niezaležnaść dasiahnutaja kryvioju našych hramadzian. Nichto nie maje prava stavić heta pad pahrozu. Tolki my vyrašajem naš los», — napisała jana.