Brest: Spynili kryminalnuju spravu suprać piensijaniera, jaki razmalavaŭ svoj płot palityčnymi hrafici
05.07.2015 / 13:34
Kryminalnaja sprava była raspačataja naprykancy minułaha hoda ŭ adnosinach da 63-hadovaha miascovaha žychara Michaiła Łukaševiča, jaki na płocie kala svajho doma na praciahu niekalkich hadoŭ ustaloŭvaŭ samarobnyja palityčnyja płakaty.
U čas śledstva ŭ chacie bresckaha piensijaniera adbyŭsia pieratrus, byli kanfiskavany šklanki z farbaj i hruntoŭkaj. Akramia taho, nieviadomyja asoby zamalavali niekatoryja elemienty palityčnaha «hrafici» na płocie. Sam Łukaševič u hety čas byŭ źmieščany ŭ Respublikanski navukova-praktyčny centr psichičnaha zdaroŭja («Navinki»), dzie lekary pryznali jaho psichičny stan zadavalniajučym.
U Śledčym kamitecie nie razhałošvali źviestki pra hetuju kryminalnuju spravu i nie było viadoma, jakija kankretna palityčnyja płakaty paličyli paklopam na kiraŭnika dziaržavy. Narešcie pryjšła infarmacyja, što sprava spynienaja z-za adsutnaści składu złačynstva.