Ryanair prapanavała miljon avijakvitkoŭ za 20 jeŭra
Jość rejsy z Vilni, Ryhi, Talina…
09.07.2015 / 19:08
Fota: thedrum.com
Irłandskaja łoŭkost-avijakampanija Ryanair, najbujniejšy łoŭkoster Jeŭropy, z nahody 30-hoddzia prapanavała ceły miljon avijakvitkoŭ pa fiksavanaj canie ŭ 19,85 jeŭra. Na akcyju źviarnuła ŭvahu «Radyjo Svaboda».
Rasprodaž budzie doŭžycca da 12 lipienia, prapanujucca rejsy, zapłanavanyja na vierasień-studzień. Napramki — pa ŭsioj Jeŭropie.
Na žal, łoŭkost-avijakampanii, što prapanujuć avijakvitki na paradak tańniej za inšych za košt minimalnaha servisu, praktyčna nie pracujuć u Biełarusi. Pra šmatlikija pryčyny hetaha niadaŭna padrabiazna raspavioŭ Citydog.
Tym nie mieniej, skarystacca rejsami Ryanair možna ŭ bližejšych susiedziaŭ:
- Z Vilni za 20 jeŭra možna dalacieć da Bremiena, Miłana, Brusela, Osła i Livierpula, z Kaŭnasa — da Osła i Kapienhahiena.
- Z Ryhi — da Kiolna, Bremiena, Dziusieldorfa, Brusela, Frankfurta, Lidsa i Łondana.
- Z Talina — da Dziusieldorfa, Bremiena, Osła i Miłana.
- Z Varšavy za 20 jeŭra — Vrocłaŭ, Hdańsk, Brusel, Stakholm, Ejndchovien, Paryž, Kioln, Miłan, Livierpul, Łondan, Bałońja, Brystal, Osła.
- Z Ukrainy i Rasii Ryanair nie lotaje.
Akramia zhadanych, Ryanair maje bahata inšych rejsaŭ pa inšych cenach, časam navat nižej za 20 jeŭra. Rejsy ździajśniaiucca na Boeing 737—800.