Akcior Amar Šaryf pamior va ŭzroście 83 hadoŭ

10.07.2015 / 17:36

Znakamity jehipiecki akcior Amar Šaryf pamior va ŭzroście 83 hadoŭ, paviedamiŭ jaho ahient.

Niekatory čas tamu paviedamlałasia, što Šaryf zmahajecca z chvarobaj Alchiejmiera.

algemeiner.com

Amar Šaryf naradziŭsia ŭ 1932 hodzie ŭ jehipieckaj Aleksandryi. Jaho sapraŭdnaje imia — Mišel Dzimitryj Šałchub.

Šaryf zdymaŭsia ŭ amierykanskim i jeŭrapiejskim kino. Jon syhraŭ u epasie Devida Lina «Łoŭrens Aravijski» i kamiedyi «Śmiešnaja dziaŭčynka» z Barbaraj Strejzand.

Šaryf ŭ filmie «Łoŭrens Aravijski», liveinternet.ru

U 1962 hodzie jon atrymaŭ premiju «Załaty hłobus» jak najlepšy akcior druhoha płana za pracu ŭ filmie «Łoŭrens Aravijski», a ŭ 1965 jak najlepšy akcior za rolu Juryja Žyvaha ŭ dramie «Doktar Žyvaha». Akcior byŭ taksama naminavany na «Oskar».

bbc.com