Paŭdniovy Sudan pryniali ŭ Mižnarodny alimpijski kamitet
02.08.2015 / 19:35
Paŭdniovy Sudan pryniaty ŭ Mižnarodny alimpijski kamitet, što dazvolić krainie adpravić svaju kamandu na nastupnuju Alimpijadu ŭ Rya-de-Žanejra.
Kraina zdabyła niezaležnaść čatyry hady tamu, nie paśpieŭšy padać zajavu, kab udzielničać u Hulniach u Łondanie ŭ 2012 hodzie.
Paŭdniova-sudanski marafoniec Huor Maryjan braŭ udzieł u ich pad alimpijskim ściaham.
U 2013 hodzie ŭ krainie pačałasia hramadzianskaja vajna, što mocna ŭskładniła padrychtoŭku spartsmienaŭ.