U Čavuskim rajonie «hastarbajteraŭ» biaruć na ŭlik
Haspadarki Čavuskaha rajonu šukajuć sposabaŭ spynić pajezdki ludziej na zarobki ŭ Rasieju. Rehularna tudy vyjaždžajuć kala piacisot čałaviek.
07.03.2008 / 09:59
Haspadarki Čavuskaha rajonu šukajuć sposabaŭ spynić pajezdki ludziej na zarobki ŭ Rasieju. Rehularna tudy vyjaždžajuć kala piacisot čałaviek.
Tymčasam u rajonie nie staje pracoŭnaj siły. Čynoŭniki pryznajuć, što pracaŭładkavać usich achvotnych mohuć, ale apłacić ich pracu, jak u Rasiei, nia zmohuć.
U Błahavickim sielskim saviecie, na terytoryi jakoha znachodziacca dva kałhasy «Śviatło kastryčnika» j «Śvietły puć», pačali składać śpisy ludziej, jakija rehularna jeździać na zarabotki ŭ Rasieju. U śpis patrapili sorak sielskich hastarbajteraŭ.
«Kaardynacyjnaja rada ŭ nas takaja jość. Prymaje ŭ joj udzieł kiraŭnik haspadarki, učastkovy, z centru zaniataści. My starajemsia pravieści schody dobryja z zaprašeńniem ich usich. Nu, i starajemsia pracaŭładkavać ich usich», — paviedamili «Svabodzie» ŭ sielskim saviecie.
Miascovych hastarbajteraŭ sielski saviet ličyć sacyjalna nienadziejnymi ludźmi. Jany, maŭlaŭ, vypivajuć i prahulvajuć pracu, a ŭ Rasiei j takich prymajuć, zaznačajuć u sielskim saviecie:
«My prosta ich abierahajem, kab jany nie apuścilisia, prymali ŭdzieł u pracy, zarablali hrošy j płacili za kamunalnyja pasłuhi, jak narmalnyja hramadzianie».
Na jakuju pracu ŭ haspadarcy hetyja ludzi mohuć raźličvać?
«Palavodztva, da prykładu, voś chutka pačynajucca viasieńnie‑palavyja raboty. U žyviołahadoŭli toj samaj. U sielskaj haspadarcy pracy biaź miery», — paviedamili ŭ sielskim saviecie.
Ci zadavolacca ludzi kałhasnym zarobkam — pra toje u sielsaviecie nia dbajuć.
Viaskovyja hastarbajtery nia duža bajacca pahroz patrapić u śpis i praciahvajuć svaje vajažy ŭ Rasieju.
U Čavuskim rajvykankamie paviedamili, što rehularna vyjaždžajuć u Rasieju na zarobki kala piacisot čałaviek. Va ŭpravie pracy, zaniataści j sacyjalnaj abarony kažuć, što znajści pracu dla hetych ludziej možna adnak:
«U Rasiei jany zarablajuć tysiaču dalaraŭ za miesiac i bolej. Na terytoryi Čavuskaha rajonu my zabiaśpiečyć takim zarobkami nia možam. Nu, u miežach piacistot‑šaścisot tysiač zarabić možna. Na siońnia štohod stvarajecca ŭ Čavuskim rajonie 250‑300 novych pracoŭnych miescaŭ. I takija rabočyja, jak budaŭniki, duža zapatrabavanyja», — zaznačaje supracoŭnik upravy.
Mienavita budaŭniki vyjaždžajuć u Rasieju najčaściej. Budaŭničyja arhanizacyi rajonu rehularna praz abjavy ŭ hazetach šukajuć rabočych. Słužby zaniataści pieravučvajuć ludziej, ale deficyt budaŭnikoŭ zastajecca.