У Брэсце кіроўца на пешаходным пераходзе збіў сямейную пару
15.09.2015 / 14:59
У Брэсце 15 верасня ў 6.45 на вуліцы Вясёлкавай у ДТЗ пацярпелі два пешаходы.
На нерэгуляваным пешаходным пераходзе на сямейную пару наехаў 62-гадовы кіроўца «Рэно-Сафрана». Муж і жонка пераходзілі праезную частку злева направа па ходзе руху аўтамабіля.
Муж і жонка, якія атрымалі траўмы, шпіталяваныя ў Брэсцкую абласную бальніцу. У рэанімацыйнае аддзяленне змешчаны 55-гадовы мужчына, у якога адкрытая чэрапна-мазгавая траўма, пашкоджанне ўнутраных органаў. Яго 56-гадовая жонка з палітраўмай — у траўматалагічнае аддзяленне.
Устаноўлена, што аўтамабіліст быў цвярозы. Сёлета ён двойчы прыцягваўся да адказнасці за перавышэнне ўстаноўленага хуткаснага рэжыму і адзін раз за тое, што не прапусціў пешахода.