Vydaviec Forbes pradaŭ rasijski biźnies
17.09.2015 / 19:39
Niamiecki medyjakancern Axel Springer pradaŭ svajo rasijskaje padraździaleńnie kampanii «Artkom Miedyja» pad kiraŭnictvam biznesoŭca Alaksandra Fiadotava.
U pres-relizie na sajcie Axel Springer Russia ŭdakładniajecca, što pad kantrol rasijskaha pradprymalnika piarojduć rasijskaja viersija časopisa Forbes razam ź jaho sajtam, a taksama vydańni OK!, GEO i «Gala Bijahrafija».
Umovy ŭhody nie vydajucca. Udakładniajecca tolki, što ŭ bližejšyja tydni 20% akcyj kampanii płanuje nabyć jaje hienieralny dyrektar Rehina fon Fleminh. Z 1 studzienia jana piarojdzie na pasadu daradcy hienieralnaha dyrektara.
Vykanaŭčy dyrektar Forbes Media Majk Fiederle zajaviŭ, što rady pačać pracu ź Fiadotavym i jaho kamandaj, a taksama tamu, što fon Fleminh, jakaja vydavała Forbes u Rasii 11 hadoŭ, praciahnie pracu z vydańniem.
U svaju čarhu kiraŭnik Axel Springer International Ralf Biuchi zajaviŭ, što škaduje ab nieabchodnaści syści z rasijskaha rynku, što pradyktavana ŭstupleńniem u siłu zakona ab abmiežavańni zamiežnaha kapitału ŭ ŚMI.
Biuchi adznačyŭ, što Fiadotaŭ vykazaŭ hatoŭnaść nabyć biźnies Axel Springer ŭ Rasii, zachavaŭšy pry hetym redakcyjny kalektyŭ