«Hulnia tronaŭ» stała absalutnym tryŭmfataram «Emi»
21.09.2015 / 07:34
Piaty siezon fentezi-sahi «Hulnia tronaŭ» vyjhraŭ telepremiju «Emi» 2015 ŭ 12 naminacyjach z 24, ustalavaŭšy takim čynam absalutny rekord u historyi cyrymonii.
Źniatamu pa sieryi ramanaŭ Džordža Marcina «Pieśnia lodu i ahniu» sieryjału dastałasia hałoŭnaja ŭznaharoda — «Najlepšy dramatyčny sieryjał».
Akramia taho, «Hulni» dastalisia, siarod inšych, uznaharody za najlepšaha akciora druhoha płanu, najlepšuju režysuru i najlepšy scenar.
Telesieryja naminavałasia na hałoŭnuju ŭznaharodu za kožny jaje siezon, adnak u papiarednija dva hady najlepšym dramatyčnym sieryjałam, pa viersii Amierykanskaj teleakademii, stanaviŭsia film «Va ŭsie ciažkija».
«Hulniu tronaŭ» rehularna krytykavali za sceny hvałtu i seksu.