Ватыкан заклікаў з далікатнасцю ставіцца да гомасэксуалаў, але не больш за тое
25.10.2015 / 01:56
Адносна гомасэксуальных адносін, няма ніякіх падставаў для іх аналогіі, «нават аддаленай», са шлюбам і сям'ёй, гаворыцца ў выніковым дакуменце Сінода біскупаў у Ватыкане.
Генеральная асамблея Сінода, прысвечаная пытанням сям'і, завяршылася ў суботу галасаваннем па пунктах Заключнага даклада, перадае польскае выданне gazeta.pl.
Фото AP / Gregorio Borgia
З большага, паўтораныя высновы леташняга Сінода па пытаннях сям'і пра тое, што гомасэксуальныя адносіны нельга назваць ні шлюбам, ні сям'ёй.
«Сінод лічыць абсалютна непрымальным, каб мясцовыя цэрквы адчувалі ціск у гэтым пытанні, а міжнародныя арганізацыі абумоўлівалі фінансавую дапамогу бедным краінам фактам ўзаконьвання там «шлюбу» паміж асобамі аднаго полу», — таксама гаворыцца ў дакуменце.
Але акцэнтуецца, што « да мужчын і жанчын з гомасэксуальнымі схільнасцямі варта ставіцца з павагай і далікатнасцю».
Кожны чалавек, незалежна ад сэксуальнай арыентацыі, павінен быць «паважаны ў сваёй годнасці, адмежаваны ад усялякіх праяваў несправядлівай дыскрымінацыі».
Сінод заклікаў таксама надаваць увагу сем'ям, у якіх жывуць людзі з гомасэксуальнай арыентацыяй, гаворыцца ў дакуменце.
Чытайце таксама: