Achoŭnik zadušyŭ barmenku, a paśla marna sprabavaŭ skončyć žyćcio samahubstvam
23.11.2015 / 18:16
Achoŭnik Ivacevickaha bara zadušyŭ sužycielku-barmenku, paśla čaho prabiŭ sabie hrudzi nažom i padpaliŭ kvateru, u jakoj zastaŭsia.
Jak raspavioŭ načalnik addzialeńnia infarmacyi i hramadskich suviaziej UUS Bresckaha abłvykankama Siarhiej Dučenka, zdareńnie adbyłosia ŭčora ŭviečary. Paśla svarki 29-hadovy žychar Ivacevičaŭ zadušyŭ sužycielku, jak miarkujecca, šnurom ad prasa.
Pa słovach aficyjnaha pradstaŭnika USK pa Bresckaj vobłaści Maryny Drańkovaj, paśla hetaha mužčyna prabiŭ sabie hrudzi nažom i padpaliŭ kvateru, u jakoj zastaŭsia. Jak rastłumačyli va ŭpraŭleńni, takim čynam jon chacieŭ skončyć žyćcio samahubstvam.
Pažar u kvatery patušyli supracoŭniki Ivacevickaha RANS. Ratavalniki znajšli abhareły trup 37-hadovaj barmenki.
Padazravanaha dastavili ŭ rajonnuju balnicu, dzie daktary zrabili jamu apieracyju. Pad kanvojnym nahladam jon zastaŭsia ŭ addzialeńni reanimacyi.
U Ivacevickim rajonnym addziele SK u dačynieńni da achoŭnika raspačali kryminalnuju spravu pa artykule «Zabojstva».