Расія вырашыла прыпыніць бязвізавы рэжым з Турцыяй
27.11.2015 / 17:12
Reuters.com
Расія вырашыла адмяніць бязвізавы рэжым з Турцыяй з 1 студзеня 2016 года. Пра гэта заявіў кіраўнік МЗС РФ Сяргей Лаўроў. Як заявіў Лаўроў, бязвізавы рэжым будзе «прыпынены». Як доўга ён не будзе дзейнічаць, невядома.
Бязвізавы рэжым з Турцыяй дзейнічае з 2011 года. Ён мае на ўвазе, што грамадзяне абедзвюх краін могуць уязджаць на тэрыторыю адзін адной на тэрмін да 60 дзён без візы.
***
Адносіны Расіі і Турцыі абвастрыліся пасля таго, як туркі збілі расійскі бамбавік Су-24. У Турцыі запэўніваюць, што самалёт парушыў паветраную прастору краіны; расійскі бок гэта адмаўляе.