У Крыме на акцыі пратэсту спалілі пудзіла Эрдагана ВІДЭА
27.11.2015 / 17:45
У Сімферопалі ўдзельнікі мітынгу супраць дзеянняў Турцыі спалілі пудзіла турэцкага прэзідэнта Рэджэпа Таіпа Эрдагана.
Усяго ў акцыі, паводле дадзеных крымскага партала FlashCrimea, удзельнічала некалькі дзесяткаў чалавек, у тым ліку студэнтаў. Дэманстранты трымалі плакаты з надпісамі «Удар у спіну», «Слава ВКС Расіі» і «Турцыя, ты з ІДзІЛ?».
Мітынг завяршыўся спальваннем саламянага пудзіла, да якога быў прымацаваны фотаздымак прэзідэнта Турцыі.
Мясцовыя ўлады санкцыянавалі правядзенне гэтай акцыі.
Нагадаем, што раней Эрдаган параіў Расіі «не гуляць з агнём».