Парашэнка: Пастаўкі электраэнергіі ў Крым будуць адноўлены ў найбліжэйшы час
06.12.2015 / 22:58
Прэзідэнт Украіны Пятро Парашэнка заявіў, што пастаўкі электраэнергіі ў Крым па адной ЛЭП будуць адноўлены ў найбліжэйшы час. Пра гэта ён паведаміў сёння ў інтэрв'ю ўкраінскім тэлеканалам.
Парашэнка заявіў, што ў выніку аварыі назіраліся сур'ёзныя цяжкасці з энергазабеспячэннем некалькіх раёнаў на поўдні Украіны, у прыватнасці, у Херсонскай і Мікалаеўскай абласцях.
«Аварыйнае забеспячэнне па адной нітцы ЛЭП будзе адноўлена ў бліжэйшы час, дарэчы, пры правядзенні кансультацый з крымскімі татарамі», — паведаміў прэзідэнт Украіны.
6 снежня ўдзельнікі блакады Крыма дапусцілі аднаўленне эксплуатацыі лініі электраперадачы (ЛЭП) «Кахоўская-Тытан» для электразабеспячэння анексаванага Крыма.
22 лістапада з-за аварыі на ЛЭП у Херсонскай вобласці былі цалкам спыненыя пастаўкі электраэнергіі з Украіны ў Крым.