Cana barala nafty Brent apuściłasia nižej za $35
06.01.2016 / 14:25
Cana barala nafty Brent na Łondanskaj biržy abnaviła 11-hadovy minimum. U sieradu fjučarsy na naftu z pastaŭkaj u lutym praciahnuli pačataje ŭ aŭtorak padzieńnie i na minimumie dasiahnuli 34,85 dalara za baral.
Pavodle infarmacyi ahienctva Bloomberg, pryčynaj źnižeńnia stali abnoŭlenyja dadzienyja ab zapasach nafty ŭ ZŠA.
Apytanyja ahienctvam analityki adznačajuć, što kanflikt pamiž Iranam i Saudaŭskaj Aravijaj nie pryvioŭ da pavyšeńnia cenaŭ, bo prapanova na suśvietnym rynku pa-raniejšamu pieravyšaje popyt.
Pavodle acenak niekatorych ekśpiertaŭ, u bližejšyja tydni nafta moža apuścicca da 30 dalaraŭ za baral.