25 тысяч вайскоўцаў з 21 краіны ў чэрвені возьмуць удзел у вучэннях у Польшчы
07.02.2016 / 15:34
Найбуйнейшыя ў Польшчы міжнародныя вайсковыя вучэнні Anakonda пройдуць у гэтым годзе ў розных рэгіёнах краіны з 7 па 16 чэрвеня.
Як паведаміў BNS прэс-сакратар еўрапейскіх сухапутных войскаў ЗША, у мэты Anakonda 2016 у тым ліку ўваходзіць інтэграцыя польскага вайсковага камандавання і сілавых структур у шматнацыянальнае асяроддзе войскаў саюзнікаў.
Па словах прэс-сакратара, вучэнні з'яўляюцца адной з мер умацавання бяспекі і стрымлівання, якія дэманструюць абараназдольнасць альянсу.
У вучэннях возьмуць удзел больш за 25 000 вайскоўцаў з 21 краіны — Польшчы, Эстоніі, Латвіі, Літвы, Албаніі, Балгарыі, Канады, Харватыі, Чэхіі, Грузіі, Венгрыі, Македоніі, Румыніі, Славакіі, Славеніі, Іспаніі, Швецыі, Турцыі, Вялікабрытаніі і ЗША.
Злучаныя Штаты будуць прадстаўляць дыслакаваныя як у Еўропе, так і ў ЗША падраздзяленні.