Łukašenka pryniaŭ z dakładam kiraŭnika KDB
Alaksandr Łukašenka, prymajučy siońnia z dakładam staršyniu Kamiteta dziaržaŭnaj biaśpieki Valeryja Vakulčyka, adznačyŭ pracu KDB u baraćbie z karupcyjaj.
08.02.2016 / 13:58
Kiraŭnik dziaržavy taksama pazityŭna acaniŭ dziejnaść KDB u častcy harantavańnia zachavańnia intaresaŭ krainy ŭ sfiery ekanomiki i finansaŭ. Dla Biełarusi heta kirunak ciapier źjaŭlajecca vielmi važnym, i, pavodle słoŭ kiraŭnika krainy, dobra, što kamitet pieranios centr ciažaru na ekanamičnyja pytańni.
«Inšyja siłavyja struktury značna adstajuć u hetym płanie ad KDB», — zaŭvažyŭ Łukašenka.
Razam z tym, jak padkreśliŭ kiraŭnik dziaržavy, hałoŭny chleb kamiteta — heta pierš za ŭsio raźviedka i kontrraźviedka, abarona kanstytucyjnaha ładu. Siońnia dziaržaŭnaści i biaśpiecy Biełarusi ničoha nie pahražaje, ale tym nie mienš hetuju temu kiraŭnik krainy maje namier trymać na kantroli.
Valeryj Vakulčyk paviedamiŭ Alaksandru Łukašenku ab biahučaj situacyi, abapirajučysia na vyniki 2015 hoda. Staršynia KDB adznačyŭ, što pryniatyja miery dali mahčymaść dasiahnuć vynikaŭ nie tolki pa linii raźviedki i kontrraźviedki, ale i pa linii abarony ekanamičnaj biaśpieki i baraćby z karupcyjaj. Atrymlivajecca vykryvać sistemnyja prablemy dziejnaści roznych sfier ekanomiki i asobnych halin, bačyć reziervy dla pavyšeńnia efiektyŭnaści raboty ekanomiki ŭ tym ci inšym kirunku.