Кіраўнікі аблвыканкамаў праверылі свае сілы ў агнявой падрыхтоўцы: пісталет, аўтамат, гранатамёт
Сёння пад Мінскам праходзяць практычныя заняткі са старшынямі аблвыканкамаў і Мінгарвыканкама ў рамках збору па тэрытарыяльнай абароне.
18.02.2016 / 12:41
У занятках, якія праходзяць на вайсковым стрэльбішчы 120-й асобнай механізаванай брыгады, таксама прымаюць удзел намеснікі губернатараў і ваенкамы.
Службовыя асобы адпрацоўваюць пытанні агнявой падрыхтоўкі, абсталяванне месцаў размяшчэння асабовага складу ў зімовых умовах, аснашчэнне тэрытарыяльных войскаў узбраеннем, сродкамі сувязі, рэчавай і іншай маёмасцю.
Пакуль старшыні выканкамаў праверылі свае сілы ў стральбе з розных пісталетаў. Плануецца, што яны таксама правядуць сёння стрэльбы з аўтамата Калашнікава, снайперскай вінтоўкі, ручнога супрацьтанкавага гранатамёта.