Ministerstva justycyi šosty raz admoviła BCHD u rehistracyi

03.03.2016 / 09:43

Ministerstva justycyi Biełarusi raźmiaściła na svaim sajcie infarmacyju ab admovie ŭ rehistracyi partyi Biełaruskaja chryścijanskaja demakratyja.

Pres-słužba BCHD źviartaje ŭvahu na toje, što Miniust abaviazany byŭ u miesiačny termin razhledzieć zajavu ab rehistracyi palityčnaj partyi, a dakumienty BCHD byli padadzienyja jašče ŭ minułym hodzie — 24 śniežnia 2015 hoda. Z taho času prajšło bolš za dva miesiacy. Pry hetym adkaz byŭ dadzieny tolki paśla taho, jak BCHD padała skarhu na Miniust u Kamitet dziaržkantrolu i raźmiaściła pra heta infarmacyju ŭ ŚMI.

Arhkamitet pa stvareńni BCHD padaść čarhovuju skarhu ŭ Viarchoŭny sud.