U śviatočnym zabiehu Beauty Run ŭ Minsku ŭdzielničali tolki dziaŭčaty
08.03.2016 / 21:45
Na placoŭcy kala «Minsk-Areny» ŭ Minsku adbyŭsia zabieh Beauty Run. Udzielnicy rabili kruh 5,3 kiłamietra i viartalisia. Arhanizatary nastojliva nahadvali, što hałoŭnaja zadača zabiehu - pieraadoleńnie dystancyi ŭ kamfortnym stanie i śviatočnym nastroi. Choć pry hetym matyvavali patencyjnuju pieramožcu hrašovym pryzam u 3 młn rubloŭ.
Pieršapačatkova zabieh płanavałasia abmiežavać 500 ŭdzielnicami. Ale zajavak akazałasia našmat bolš. Na finišy ŭsie ŭdzielnicy atrymali miedali i kvietki. A samym chutkim ź ich dastalisia hrošy: 3 młn biełaruskich rubloŭ za pieramohu, 2 młn za druhoje miesca i 1 młn za treciaje.