U Hrodnie aktyvisty BCHD sprabavali pavinšavać staršyniu harvykankama z Dniom Voli
25.03.2016 / 14:11
U Hrodnie piać aktyvistaŭ BCHD byli zatrymanyja supracoŭnikami milicyi pobač z budynkam Hrodzienskaha harvykankama.
Pavodle siabra BCHD Mikoły Baŭsiuka, ich było piaciora. Jany prypynilisia pierad uvachodam u vykankam, kab zrabić pamiatnyja zdymki. Tut da ich padyšoŭ milicyjant i zaprasiŭ prajści ŭ pastarunak dla pravierki dakumientaŭ.
— My pryjšli, kab pavinšavać z Dniom Voli staršyniu harvykankama Miečysłava Hoja, prynieśli jamu ŭ padarunak bieł-čyrvona-bieły ściah i hierb «Pahonia», a taksama karotkuju historyju BNR. Paśpieli tolki sfatahrafavacca pobač z budynkam, i da nas adrazu padyšoŭ milicyjant. Skazaŭ, što pojdziem u pastarunak spraŭdžvać dakumienty.