Pad Maskvoj žorstka źbili muzykanta «Lube»
U padmaskoŭnym Dźmitravie zatrymali 39-hadovaha mužčynu, padazravanaha ŭ źbićci bas-hitarysta hurta «Lube» Paŭła Usanava. Pra heta 3 krasavika TASS paviedamiła krynica ŭ pravaachoŭnych orhanach.
03.04.2016 / 11:59
U pres-słužbie palicyi Maskoŭskaj vobłaści pacvierdzili zatrymańnie žychara Soniečnahorskaha rajona, ale nie paviedamili imia čałavieka, jakomu jon nanios traŭmy. U dačynieńni da mužčyny raspačata kryminalnaja sprava pa častcy 1 artykuła 111 KK RF («Naŭmysnaje pryčynieńnie ciažkaj škody zdaroŭju»).
Fota: Facebook
40-hadovy Usanaŭ byŭ žorstka źbity ŭ noč na 2 krasavika. Jaho špitalizavali ŭ adnu z maskoŭskich balnic u nieprytomnym stanie. Daktary acanili stan muzyki jak ciažki. U jaho dyjahnastavali šmatlikija pierałomy i strasieńnie mozhu.
Usanaŭ dałučyŭsia da «Lube» ŭ 1996 hodzie paśla hibieli ŭ aŭtakatastrofie papiaredniaha basista hurta Alaksandra Mikałajeva.