U Biarezinie ŭ Babrujsku znojdzienyja reštki cieła mužčyny
04.04.2016 / 18:58
U Babrujsku ŭ race Biarezinie kala vulicy Kirava 26 sakavika vyjaŭleny reštki cieła mužčyny. Asoba paciarpiełaha da hetaha času nie ŭstanoŭlena, paviedamili ŭ abłasnym UUS.
Jak zajaviŭ pieršy namieśnik načalnika UUS Mahiloŭskaha abłvykankama Alaksandr Vasiljeŭ, pravodziacca apieratyŭna-vyšukovyja mierapryjemstvy pa ŭstanaŭleńni asoby paciarpiełaha. Adpracoŭvajucca roznyja viersii taho, što adbyłosia.
«Źviartajemsia da žycharoŭ horada, vobłaści, inšych rehijonaŭ Biełarusi z prośbaj infarmavać nas ab tych asobach, jakija biez viestak adsutničajuć. Kali chto-niebudź z vašych blizkich, siabroŭ ci znajomych praciahły čas (pavodle papiarednich dadzienych, havorka idzie pra pačatak sakavika) adsutničaje, vialikaja prośba paviedamić pra heta ŭ pravaachoŭnyja orhany», — skazaŭ Vasiljeŭ.