Фінскія навукоўцы назвалі параметры «ідэальнай жанчыны»
20.04.2016 / 17:02
Навукоўцы з універсітэта Турку ў Фінляндыі правялі апытанне сярод больш чым 10 тысяч мужчын, каб вызначыць параметры ідэальнай жанчыны.
favim.com
Спецыялісты паставілі за мэту вызначыць, якія жанчыны з'яўляюцца найбольш прывабнымі для прадстаўнікоў моцнага полу.
Вынікі эксперыменту паказалі, што максімальна прывабнымі для мужчын з'яўляюцца жанчыны ва ўзросце ад 23 да 28 гадоў. Спецыялісты адзначаюць, што пры выбары спадарожніцы жыцця ў мужчын падсвядома спрацоўваюць эвалюцыйныя механізмы: у 25 гадоў жанчына з найбольшай імавернасцю можа зачаць дзіця, менавіта гэты факт робіць яе найбольш прыцягальнай.
Акрамя таго, мужчыны называюць прывабнымі жанчын інтэлектуальнай працы, якія з'яўляюцца добрымі суразмоўніцамі і даглядаюць за сабой.
Раней вынікі даследаванняў аўстрыйскіх і амерыканскіх навукоўцаў таксама паказвалі, што мужчыны нашага часу ў першую чаргу звяртаюць увагу на разумовыя здольнасці сваіх выбранніц, а ўжо пасля гэтага на прыгажосць. Яны хочуць будаваць сям'ю з адукаванай жанчынай, якая можа дамагчыся кар'ернага росту і ўнесці свой уклад у сямейны бюджэт.