У Брэсце адсвяткавалі 9 Мая весела, з георгіеўскімі стужкамі і партрэтамі Сталіна
09.05.2016 / 16:40
Больш за 30 тыс. чалавек удзельнічалі у святочных мерапрыемствах у мемарыяльным комплексе «Брэсцкая крэпасць-герой», перадаюць афіцыйныя крыніцы.
Але перамогу у Брэсце адсвяткавалі так, быццам гэта быў звычайны Дзень гораду, а не дзень вялікага смутку і памяці — весела, з запалам, са смехам і бадзёрай музыкай.
Георгіеўскія стужкі былі нарасхват, іх чаплялі нават на краты ў Брэсцкай крэпасці.
Тыя, хто нёс выявы ўдзельнікаў вайны, як у Расіі падчас акцыі «Несмяротны полк», у большасці сваёй паводзілі сябе разняволена і ўпэўнена.
Сапраўднай пашаны, памяці, смутку было, нажаль, мінімум.
Народныя гулянні сёння цэлы дзень будуць адбывацца таксама ў гарадскім парку культуры і адпачынку.