Каталіцкі святар паставіў новы рэкорд амерыканскай арміі па бегу
18.05.2016 / 20:24
Ксёндз Люк Віленберг, капелан у 82-й парашутна-дэсантнай дывізіі ЗША, прабег марафонскую дыстанцыю ўсяго за адну гадзіну і 42 хвіліны, піша thericatholic.com.
Такім чынам, святар пабіў рэкорд хуткасці ўсёй амерыканскай арміі падчас маршу на 12 міль (больш за 21 км).
«Спадзяюся, што змагу натхніць некаторых сваіх парашутыстаў сваімі дасягненнямі», — кажа святар, які ў арміі мае ранг капітана.
«Я перакананы, што капеланы пакліканы быць лепшымі ў арміі па духоўнай трываласці, маральных паводзінах, фізічнай здольнасці, развіццю розуму, веданні тэхнікі. Такім чынам мы можам зрабіць веру прывабнай для тых, каму служым», — кажа святар.
Ксёндз служыць у арміі з 2014 года і паспеў са сваімі салдатамі цэлы год праслужыць у Афганістане, дзе атрымаў медаль Бронзавай зоркі — адну з найбольш каштоўных у амерыканскай арміі.
«Паважаць Бога і ягоныя шляхі — значыць прапаноўваць мой сціплы і недастатковы, але, спадзяюся, пабожны прыклад маім парашутыстам у 82-й парашутна-дэсантнай дывізіі», — сказаў святар, які прайшоў цяжкую падрыхтоўку ў прэстыжнай Дэсантна-штурмавой школе.