Siońnia ŭ finale Hurkoŭ sustreniecca z sapiernikam, jaki nie prajhraje čatyry hady zapar
U finale čempijanatu śvietu, jaki prachodzić u Šviecyi, Vital Hurkoŭ sustreniecca z Ekapanam Sambaansabam z Tajłanda (bajcoŭskaja mianuška Super X, vaha 75 kh). Viadoma što hety bajec nie prajhraje ŭžo čatyry hady, pry hetym rehularna pravodzić pajadynki na prafiesijnym rynhu.
28.05.2016 / 10:46
Super X lohka «źniaŭ skalpy» z takich zorak suśvietnaha muaj-taj jak Mikael Pisiteła i Mabel Abdała. A na čempijanacie śvietu-2016 u Šviecyi jon u pieršym ža bai biez prablem raspraviŭsia ź vielmi daśviedčanym i mocnym rasijaninam Kanstancinam Chuzinym.
Miarkujučy pa sacyjalnych sietkach tajca, na jaho radzimie mała chto vieryć, što ich ulubioniec spatykniecca na Hurkovie. Svaich sapiernikaŭ Super X łamaje ŭžo da boju. Pajadynki jon pravodzić u davoli nachabnaj maniery, čym taksama nanosić udar pa maralna-valavych jakaściach sapiernikaŭ.
«Ale zaŭsiody jość šanc pieramahčy takoha sapiernika. Asabliva kali ŭ rynh vychodzić Vitalik. Davajcie dapamožam jamu svaimi dumkami», — kaža Dźmitryj Piasiecki, trenier Hurkova.
Vital i jašče piać biełaruskich bajcoŭ (Dźmitryj Valent, Anatol Vanakoŭ, Dzianis Hančaronak, Andrej Hierasimčuk i Alena Laškievič) praviaduć finalnyja bai čempijanatu śvietu subotnim viečaram 28 maja.