Erdahan vystupiŭ suprać kantrolu naradžalnaści
30.05.2016 / 17:16
Prezident Turcyi Redžep Taip Erdahan nazvaŭ parušeńniem zapaviedziaŭ abmiežavańnie naradžalnaści, paklikaŭšy musulmanskaje nasielnictva admovicca ad kantracepcyi i zavodzić bolš dziaciej, jak pradpisana prarokam.
«Adkryta zajaŭlaju: my budziem padymać naradžalnaść, my budziem pavyšać kolkaść nasielnictva. Płanavańnie siamji, kantrol naradžalnaści — nivodnaja musulmanskaja siamja nie budzie padzialać taki vobraz dumak», — cytuje Erdahana hazieta Hurriyet.
Zaklik da admovy ad kantracepcyi i pavyšeńnia naradžalnaści prahučaŭ u vystupie Erdahana ŭ Stambule z nahody 20-j hadaviny Fondu moładzi i adukacyi. Na dumku prezidenta, płanavańnie siamji abmiažoŭvaje rost kolkaści nasielnictva Turcyi.
Jak adznačaje ahienctva Asašyejted pres, raniej Erdahan vyklikaŭ abureńnie žanočych arhanizacyj, kali zajaviŭ, što žančyny nie roŭnyja mužčynam i kožnaja ź ich pavinna naradzić nie mienš za troch dziaciej. Jon taksama zaklikaŭ zabaranić aborty i pralubadziejstva.
Akramia taho, turecki prezident i raniej vykazvaŭsia suprać kantracepcyi. U 2014 hodzie Erdahan u adnym z svaich vystupaŭ paraŭnaŭ vykarystańnie kantraceptyvaŭ da dziaržaŭnaj zdrady.