Трусаў: Міліцыянты каля апазыцыі вывучылі беларускую мову
Паводле кіраўнікаТаварыства беларускай мовы Алега Трусава, прыкладна палова чыноўнікаў добра гаворыць па‑беларуску, а лепш за ўсё — МЗС і МУС.
14.05.2008 / 10:05
Алег Трусаў |
Паводле кіраўнікаТаварыства беларускай мовы Алега Трусава, прыкладна палова чыноўнікаў добра гаворыць па‑беларуску. Найперш ён называе Міністэрства замежных спраў. На другое месца кіраўнік ТБМ паставіў МУС:
«Каля апазіцыі яны вывучылі мову і валодаюць ёй добра» (сьмяецца).
Міністэрствы культуры і адукацыі мусяць валодаць беларускай мовай «па абавязку», кажа Трусаў. У Міністэрстве інфармацыі ўсе намесьнікі міністра могуць пры нагодзе выдатна гаварыць па‑беларуску.
Што да перапіскі, дык выключна па‑беларуску лісты Таварыства беларускай мовы атрымлівае з адміністрацыі прэзыдэнта і Савету бясьпекі.