Лукашэнка заявіў Пуціну пра неабходнасць зняцця абмежаванняў ва ўзаемным гандлі з Расіяй
08.06.2016 / 15:27
Аляксандр Лукашэнка адзначае неабходнасць зняцця абмежаванняў ва ўзаемным гандлі з Расіяй. Аб гэтым кіраўнік беларускай дзяржавы заявіў сёння на сустрэчы з прэзідэнтам Расіі Уладзімірам Пуціным.
«Павышэнню стабільнасці нашых эканомік, росту дабрабыту беларусаў і расіян спрыяла б зняцце яшчэ існуючых некаторых абмежаванняў ва ўзаемным гандлі», - заявіў беларускі лідар.
Пуцін, у сваю чаргу, заявіў, што адносіны Беларусі і Расіі — найбольш прасунутыя на постсавецкай прасторы.
«Мы вельмі шмат удзяляем увагі не толькі эканоміцы, але і сацыяльным пытанням. У цэлым гэта, безумоўна, ідзе на карысць нашым грамадзянам. Такі настрой расійскі бок не толькі захоўвае, але і гатовы ўзмацняць», — сказаў Уладзімір Пуцін.