Лукашэнка заўтра ляціць ва Узбекістан
22.06.2016 / 10:01
Аляксандр Лукашэнка 23—24 чэрвеня зробіць рабочы візіт у Рэспубліку Узбекістан для ўдзелу ў пасяджэнні Савета кіраўнікоў дзяржаў — членаў Шанхайскай арганізацыі супрацоўніцтва.
Запланаваны таксама двухбаковыя сустрэчы з лідарамі замежных краін, паведамляе прэс-служба.
Саміт Шанхайскай арганізацыі супрацоўніцтва стане першым, у якім Беларусь будзе прымаць удзел на найвышэйшым узроўні ў новым статусе назіральніка.