Прэм'ер Кабякоў «нармальна» ацэньвае перспектывы краіны
27.06.2016 / 07:38
«У нас, у прынцыпе, сапраўды добры патэнцыял. У нас добрая вытворчасць, добры кадравы патэнцыял, добрая інфраструктура, добрае сацыяльна-палітычнае становішча ў краіне. У нас ёсць стабільнасьць..», — заявіў кіраўнік урада Беларусі Андрэй Кабякоў у інтэрв'ю праграме «Контуры» тэлеканалу АНТ, паказаным ўвечары 26 чэрвеня.
Паводле яго словаў, усё гэта ў сукупнасці, плюс намечаныя «чарговыя напрамкі развіцьця на пяцігоддзе» гаворыць пра тое, што «мы абсалютна трапілі з пункту гледжання вызначэння прыярытэтаў». «Трапілі — у тым сэнсе, што правільна іх вызначылі», — удакладніў Кабякоў.
Гэта, як адзначыў кіраўнік урада, «дае добрую ўнутраную ўпэўненасць у тым, што мы сапраўды за бліжэйшае пяцігоддзе павінны істотна прыбавіць».