Vaviorka-robat stanie raźviedčycaj Pientahona
Skakać, zabiracca i spuskacca pa viertykali, karystacca składanym reljefam zmoža novy raźviedvalny robat. Jaho raspracoŭvaje Daśledčaja łabaratoryja VMF ZŠA, piša partał defensetech.org.
08.07.2016 / 22:31
Fota chesapeakewildliferemoval.com.
Spačatku łabaratoryja pracavała nad hetak zvanym «robatam-mułam» — hidraŭličnaj čatyrochnohaj mašynaj z bienzinavym ruchavikom.
Robat moh supravadžać marskuju piachotu z hruzam da 130 kiłahramaŭ. Adnak mašyna akazałasia zanadta hučnaj.
Robat-muł na vyprabavańniach.
Potym pačali pracavać nad stvareńniem robata pamieram z sabaku ci kotku, jakoha možna było b zapakavać u zaplečnik zvyčajnaha žaŭniera. Hety pratatyp płanujuć skončyć u nastupnym hodzie.
Adnak ciapier vyklučna dla raźviedvalnych zadač stvarajuć robata-vaviorku. Taki robat moža spatrebicca lubomu addzialeńniu marpiechaŭ dla pieradačy infarmacyi pra pazicyi praciŭnika.
Mahčyma, nievialiki robat taksama zmoža šukać miny i impravizavanyja vybuchovyja pryłady, miarkuje mieniedžar prahramy Majk Osbarn.