СМІ: У Рыа-2016 могуць паехаць толькі 40 з амаль 400 заяўленых расійскіх спартсменаў
26.07.2016 / 08:01
На Алімпіяду ў Рыа-дэ-Жанейра можа патрапіць каля 40 расійскіх спартоўцаў пры першапачатковай заяўцы ў Алімпійскага камітэта Расіі ў 387 чалавек, піша The Guardian. Адсеў распачне МАК, каб змякчыць хвалю крытыкі
З усёй расійскай зборнай, якая налічвала каля 400 чалавек, на Гульні ў Бразіліі можа патрапіць каля 40 спартсменаў, даведалася выданне.
У нядзелю, 24 ліпеня, Міжнародны алімпійскі камітэт (МАК) вырашыў не адхіляць зборную Расіі ад удзелу ў Алімпійскіх гульнях у Рыа-дэ-Жанейра. Выканкам МАК пастанавіў, што рашэнне аб допуску да Алімпіяды кожнага расійскага спартсмена будуць прымаць адпаведныя міжнародныя федэрацыі.