Łukašenka nie ŭražany ŭbačanym u Brasłaŭskim rajonie
Viciebskuju vobłaść treba pryvieści ŭ paradak. Hetaha zapatrabavaŭ Alaksandr Łukašenka padčas naviedvańnia 4 žniŭnia sielskahaspadarčaha vytvorčaha kaapieratyva «Majak Brasłaŭski» ŭ Brasłaŭskim rajonie.
04.08.2016 / 13:29
Alaksandr Łukašenka ŭ čas naviedvańnia Viciebskaj vobłaści. Fota BIEŁTA.
Łukašenka adrazu paśla pryjezdu na sielhaspradpryjemstva padzialiŭsia ŭražańniami ad ubačanaha z borta viertalota padčas rabočaj pajezdki ŭ Viciebskuju vobłaść.
«Pahladzieŭ — nie ŭražany ŭbačanym u Brasłaŭskim rajonie. Bahataj Viciebskaja vobłaść nie budzie, kali budziem tak pracavać», — skazaŭ jon.
Prezident padkreśliŭ, što ni ŭ jakim razie nielha zapuskać terytoryi, usiudy pavinien być paradak. Pry hetym jon akcentavaŭ uvahu, što ŭ kožnym rajonie patrebna svaja śpiecyjalizacyja z ulikam pryrodnych umoŭ i ziamiel.