Суперкубак Англіі зноў дастаўся «Манчэстэр Юнайтэд»
07.08.2016 / 21:27
«Манчэстэр Юнайтэд» у чарговы раз стаў уладальнікам футбольнага Суперкубка Англіі, атрымаўшы перамогу над клубам «Лестэр Сіці» з лікам 2:1.
Сустрэча праходзіла ў Лондане на стадыёне «Уэмблі».
Для МЮ гэта рэкордная, 21-я па ліку перамога ў Суперкубку і першая — пад кіраўніцтвам Жазэ Маўрынью.
Галы ў «Манчэстэр Юнайтэд» забілі Златан Ібрагімавіч і Джэсі Лінград.
Адзіны мяч з боку «Лестэра», які ў мінулым сезоне ўпершыню стаў чэмпіёнам Англіі, — на рахунку Джэймі Вардзі.