Трэйлер новых «Зорных войнаў» упершыню пакажуць на Алімпіядзе ў Рыа
08.08.2016 / 20:41
Прэм'ера новага трэйлера фільма «Ізгой-адзін: Зорныя вайны. Гісторыі» адбудзецца ў час галоўнай спартыўнай падзеі года — яе можна будзе ўбачыць у ходзе трансляцыі з Рыа-дэ-Жанейра. Паведамляецца, што ролік будзе прэзентаваны ў чацвер, 11 жніўня, у эфіры тэлеканала NBC.
У дадзены момант прыхільнікі стужкі спрабуюць адгадаць, ці з'явіцца ў новым трэйлеры Дарт Вейдэр.
Пакуль невядома, калі ролік стане даступны для шырокай аўдыторыі, аднак прыхільнікі «Зорных войнаў» разлічваюць, што змогуць убачыць трэйлер новага фільма адразу ж пасля яго прэм'еры.
Нагадаем, выхад фільма ў пракат чакаецца ў снежні бягучага года.