Каля 100 чалавек лічацца зніклымі без вестак пасля землятрусу ў Італіі
24.08.2016 / 12:29
corriere.it
У населеным пункце Пескара-дэль-Тронта зніклымі без вестак пасля землятрусу лічацца каля ста чалавек, паведамілі мясцовыя ўлады. Пацверджана гібель 10 чалавек, заявілі прадстаўнікі адміністрацыі Пескара-дэль-Тронта, яшчэ 20 жыхароў атрымалі раненні.
Усяго, па дадзеных газеты La Repubblica, у выніку землятрусу ў Італіі загінулі 22 чалавекі, некалькі дзясяткаў атрымалі траўмы рознай ступені цяжкасці. Звесткі аб загінулых, як падкрэсліваецца, не з'яўляюцца канчатковымі, так як разбор завалаў пакуль не завершаны.