Kitajskija pieršaklaśniki viedajuć biełaruskuju movu lepš za viadučych ANT
U «Našych navinach» byŭ pakazany siužet pra toje, jak napiaredadni Alimpijskich hulniaŭ kitajskija dzietki vučać biełaruskuju movu.
05.06.2008 / 15:09
Karespandentka ANT Inesa Pleskačeŭskaja raspaviała, što heta ŭvachodzić u prahramu padtrymki alimpijskich zbornych. Za kožnaj z krain‑udzielnic Alimpijskich hulniaŭ zamacavany šerah škołaŭ, vučni jakich vučać movy dadzienaj dziaržavy. Usiaho u prahramie padtrymki zadziejničana 500 škoł. U hetym śpisie, viadoma, jość i Biełaruś.
Karespandentka ANT dušeŭna raspaviała pra toje, jak pieršakłaškam padabajecca vučyć biełaruskuju movu. U kadry było bačna, ź jakim zadavalnieńniem dzietki vymaŭlajuć «Pryvitańnie!» i čytajuć dziaržaŭny himn Biełarusi.
Ale sama aŭtarka siužeta ciaham troch jaho chvilin nie vymaviła nivodnaha biełaruskaha słova. Pa‑rusku razmaŭlali i studentki‑vykładčycy (našyja suajčyńnicy, što vučacca ŭ Piekinskim univiersitecie).