Čechija zajaviła, što nie maje nijakich dypłamatyčnych adnosin z DNR
02.09.2016 / 18:31
Češskija ŭłady dali jasna zrazumieć, što aficyjnaja Praha nie maje i nie moža mieć nijakich dypłamatyčnych abo konsulskich adnosin z t.zv. «Danieckaj narodnaj respublikaj».
Adpaviednaja zajava była zroblenaja paśla taho, jak urad Ukrainy vykazaŭ aficyjny pratest z nahody rehistracyi miascovym sudom u češskim horadzie Ostrava niejkaj niekamiercyjnaj asacyjacyi, kiraŭnica jakoj zajaviła, što maje namier dapamahać u naładžvańni suviaziaŭ pamiž jurydyčnymi asobami Ostravy i Daniecka i akazańni humanitarnaj dapamohi žycharam «DNR».
Kijeŭ rascaniŭ rašeńnie suda ŭ Ostravie jak dazvoł na adkryćcio ŭ horadzie pradstaŭnictva «DNR» i nazvaŭ heta sprobaj «lehalizavać terarystyčnuju arhanizacyju».
Kiraŭnik zarehistravanaj niekamiercyjnaj asacyjacyi Neli Liskava tłumačyć vybar Ostravy tym, što hety češski horad i Danieck — pabracimy (nasamreč Danieck i Ostrava — nie pabracimy, ich źviazvaje dahavor ab supracoŭnictvie), i nazyvaje siabie hanarovym konsułam. Češski ŭrad zaklikaŭ jaje nie vykarystoŭvać hety tytuł.