Samsung straciła 17 miljardaŭ dalaraŭ paśla zryvu prodažaŭ Galaxy Note 7
11.10.2016 / 13:30
Kampanija Samsung straciła 17 miljardaŭ dalaraŭ svajho rynkavaha koštu paśla spynieńnia vytvorčaści i prodažaŭ fłahmanskaj madeli telefonaŭ Galaxy Note 7. Akcyi kampanii patańnieli na vosiem pracentaŭ — heta samy vialiki abvał z času ekanamičnaha kryzisu 2008 hoda.
Samsung pačała prodažy Galaxy Note 7 u žniŭni 2016 hoda. Telefon kaštavaŭ 882 dalary.
U pačatku vieraśnia Samsung abviaściła pra adkłikańnie telefonaŭ z-za techničnych niepaładak. Defiekt akumulatara pryvodziŭ da vybuchu i ŭzharańnia pryłady. Paśla pravierki Samsung paviedamiła, što niepaładki likvidavany, i adnaviła prodažy. Adnak nieŭzabavie pačali pastupać paviedamleńni ab novych vypadkach uzharańnia telefonaŭ.
11 kastryčnika Samsung paprasiła partnioraŭ spynić prodažy Galaxy Note 7, a karystalnikam rekamiendavała adklučyć telefony.