Нобелеўскую прэмію Бобу Дылану вырашылі ўручыць вясной на канцэрце
18.11.2016 / 21:29
Шведская каралеўская акадэмія вырашыла ўручыць Нобелеўскую прэмію па літаратуры амерыканскаму спеваку і музыканту Бобу Дылану падчас яго канцэрту ў Стакгольме вясной 2017 года, піша ВВС.
РА
У акадэміі паведамілі, што Дылан мае намер зладзіць тур па Швецыі, і значыць, у яго будзе «ідэальная магчымасць» прачытаць лекцыю, што з'яўляецца абавязковай умовай уручэння прэміі.
Лаўрэат павінен выступіць з нобелеўскай лекцыяй у Стакгольме на працягу паўгода, пачынаючы з 10 снежня.
Раней Боб Дылан паведаміў, што па прычыне вялікай занятасці не зможа прыехаць у Стакгольм у снежні, каб асабіста атрымаць Нобелеўскую прэмію.