Žychar Babrujska zdaŭ za brata-bliźniuka ispyty ŭ DAI, i toj hod jeździŭ za rulom biez adnoj ruki
22.11.2016 / 22:38
U Babrujsku za vykarystańnie čužych dakumientaŭ da štrafu i hoda pazbaŭleńnia voli ŭmoŭna asudžany miascovy žychar.
Jak raspaviała ŭ prahramie «Pryčyny i śledstva» na «Alfa-Radyjo» aficyjny pradstaŭnik Śledčaha kamiteta Biełarusi Julija Hančarova, 37-hadovy žychar Babrujska pa prośbie brata-bliźniuka biez ruki, jaki žadaŭ atrymać paśviedčańnie kiroŭcy, prajšoŭ kiroŭčuju miedycynskuju kamisiju, vyvučyŭsia ŭ aŭtaškole, atrymaŭ pravy.
«Machinacyja raskryłasia paśla taho, jak Dziaržaŭtainśpiekcyja spyniła aŭtamabil, jakim kiravaŭ uładalnik padrobnych dakumientaŭ. Spynili dla pravierki dakumientaŭ kiroŭcy, a jon kiruje mašynaj biez kiści ruki! Supracoŭniki DAI paprasili miedycynskuju daviedku. A tam fakt adsutnaści ruki nijak nie adznačany», — raspaviała Hančarova.