Пад Слуцкам кіроўца «Масквіча» збіў веласіпедыста, адцягнуў цела з дарогі і ўцёк ФОТА
Днём 25 лістапада ў Слуцкім раёне быў знойдзены труп 58-гадовага мужчыны з прыкметамі наезду аўтамабілем. Пра гэта паведамляе сайт Slutsk-Gorod са спасылкай на РАУС.
26.11.2016 / 15:08
Паведамленне пра знойдзенае цела мужчыны паступіла ў міліцыю ў 14:51. Супрацоўнікі Слуцкага РАУС высветлілі, што смяротны наезд адбыўся раніцай таго ж дня, а таксама аператыўна высветлілі асобу кіроўцы і затрымалі.
Ім аказаўся 54-гадовы жыхар вёскі Падлессе, які раніцай на аўтамабілі «Масквіч-2140» вяртаўся дадому з працы.
Высветлілася, што каля 07:30 кіроўца «Масквіча» здзейсніў наезд на веласіпедыста, які ехаў у тым жа накірунку, адцягнуў цела са сцежкі і ўцёк.
У дачыненні да кіроўцы распачата крымінальная справа па ч. 2 арт. 317 КК РБ (парушэнне правіл дарожнага руху, што пацягнула па неасцярожнасці смерць чалавека).
Кіроўца «Масквіча» падчас медыцынскага агляду ў Слуцкай ЦРБ.