MZS: siarod paciarpiełych ad teraktu ŭ Stambule biełarusaŭ niama

Siarod paciarpiełych ad padvojnaha teraktu ŭ Stambule biełarusaŭ niama. Pra heta TUT.BY paviedamiŭ pres-sakratar MZS Dźmitryj Mirončyk.

11.12.2016 / 12:46

Terakt u Stambule. Fota Reuters

— Na dadzieny momant u našaha hienkonsulstva ŭ Stambule i Pasolstva ŭ Ankary niama jakich-niebudź dadzienych, što ŭ vyniku zahinuli abo paciarpieli biełarusy, — skazaŭ Mirončyk.

Nahadajem, pozna ŭviečary 10 śniežnia la stadyjona Beşiktaş Vodafone Arena u Stambule prahrymieli dva vybuchi. Spačatku była padarvanaja bomba, zakładzienaja ŭ aŭtamabil, jaki stajaŭ kala stadyjona, a praz 45 siekund siabie padarvaŭ teraryst-śmiarotnik.

Pa apošnich dadzienych, u vyniku padvojnaha teraktu zahinuli 29 čałaviek, paranienyja 166. U Turcyi abvieščanaja nacyjanalnaja žałoba.