Ad 1 studzienia ŭ Biełarusi pasłuhi Uber abkładuć PDV

Ad 1 studzienia ŭ Biełarusi pasłuhi Uber i inšych padobnych servisaŭ padlahajuć abkładańniu padatkam na dadanuju vartaść.

21.12.2016 / 19:46

Z pačatku novaha hoda pačynaje dziejničać norma Padatkovaha kodeksa, nakiravanaja na spahnańnie PDV z zamiežnych elektronnych servisaŭ, jakija akazvajuć u tym liku pasłuhi pasrednikaŭ na terytoryi Biełarusi (servis Uber źviazvaje kiroŭcaŭ i pasažyraŭ), paviedamlaje BiełaPAN sa spasyłkaj na pres-słužbu Ministerstva pa padatkach i zborach.

Pradstaŭniki Uber ŭ Biełarusi paviedamili, što ŭ ich niama płanaŭ pa pavyšeńniu koštaŭ na pajezdki ŭ Minsku. Raniej jany nieadnarazova zajaŭlali, što Uber nie źjaŭlajecca słužbaj taksi, pakolki nie najmaje kiroŭcaŭ i nie maje aŭtaparka.

Ad pačatku 2017-ha staŭka PDV 25% (na siońniašni dzień — 20%) budzie ŭžyvacca pry realizacyi pasłuh elektrasuviazi.