Міліцыя зноў ні пры чым
Міністэрства ўнутраных спраў адмаўляцца афіцыйна камэнтаваць зьяўленьне новага фотаробата падазраванага ў выбуху 4 ліпеня ў Менску.
18.07.2008 / 12:32
Пра гэта БелаПАН заявіў часова выконваючы пасаду начальніка ўпраўлення інфармацыі і грамадскіх сувязей міліцэйскага ведамства Канстанцін Шалькевіч.
Нагадаем, першы фотаробат з выявай брунета з кароткай стрыжкай з’явіўся ў Мінску 10 ліпеня. Журналісты яго пабачылі на дзвярах будынка Інстытута гісторыі на вуліцы Акадэмічная.
Як паведаміла 18 ліпеня «Комсомольская правда» в Белоруссии», напярэдадні карэспандэнты газеты ў прадуктовым магазіне на вуліцы Карла Лібкнехта ўбачылі яшчэ адзін фотаробат. На ім адлюстраваны доўгавалосы бландзін са светлай бародкай. Подпіс абвяшчаў, што гэты чалавек шукаецца за ўчыненне хуліганскіх дзеянняў 4 ліпеня.