Адзін з самых высокіх акцёраў у свеце памёр ва ўзросце 36 гадоў
26.02.2017 / 21:14
NY Daily News
Брытанскі акцёр Найл Фінглтан, які сыграў ролю волата Мега Магутнага ў серыяле «Гульня тронаў», памёр ва ўзросце 36 гадоў, паведамляе The Guardian.
Па інфармацыі выдання, акцёр памёр з-за сардэчнай недастатковасці напярэдадні, 25 лютага. Інфармацыйны партал таксама прыводзіць паведамленне, апублікаванае ў суполцы Tall Person Club ў Facebook. «На жаль, мы атрымалі інфармацыю, што Найл Фінглтан, самы высокі мужчына Вялікабрытаніі, памёр у суботу».
Акрамя акцёрскай дзейнасці Фінглтан таксама займаўся баскетболам. У 2007 годзе ён атрымаў званне самага высокага чалавека Вялікабрытаніі і Еўрасаюза, яго рост на той момант складаў 233 см.